Өнгөрсөн аравдугаар сарын 10-нд Мааньт дахь хорих 415 дугаар ангид ял эдэлж байсан дөрвөн ялтан оргосон хэрэг гарсан. Ялтнууд 20- 25 насныхан байсан бөгөөд өмнө нь хүүхдийн хорих ангид ял эдэлж байхдаа ч оргож байжээ.
Тиймээс тэднийг оргон зайлсан гэх үндэслэлээр Төв аймгийн цагдаагийн хэлтэст шалгаж байгаа. Хуулийн дагуу одоо эдэлж буй ял дээр нь 5-10 жилийн ял нэмэх юм.
Харин хоригдол оргосон асуудлаар ШШГЕГ-ын зөвлөлийн хуралдаж, Мааньт дахь хорих 415 дугаар ангийн захирагчаар томилогдоод удаагүй байсан дэд хурандаа Ц.Очгэрэлийн цолыг хошууч болгон бууруулжээ.
Мөн хариуцлага алдсан харгалзагч нарт хариуцлага тооцож арга хэмжээ авсан байна.
Б.Золбоо
Сэтгэгдэл (5)