Насанд хүрээгүй хүүхэд хүчиндэж, бэлгийн дур хүслээ ёс бусаар хангасан этгээдүүдийг энэ сарын 28-нд буюу ирэх лхагва гаригт шүүнэ.
Тэднийг Эрүүгийн хуулийн 125.1, 126.2.1, 126.2.4-т зааснаар буруутган Сонгинохайрхан дүүргийн шүүхийн Эрүүгийн танхимд 11.00 цагаас шүүх юм. Хуралд шүүгчээр Б.Батболор, улсын яллагчаар С.Батсүрэн, өмгөөлөгчөөр Г.Хандсүрэн, Д.Энхцэцэг, Н.Цэрэндулам, Н.Бадамцэцэг, В.Бадамцэцэг, Ш.Оюумаа, Б.Отгончимэг, хохирогч, гэрч, орчуулагч, хэлмэрч, шинжээч, хууль ёсны төлөөлөгчөөр Х.Жаргалсайхан, шүүгдэгч Ж.Тамир, Э.Шинэжаргал, Г.Ганболд, М.Бат-Эрдэнэ, Б.Энхболд нар оролцох юм байна.
Тэднийг буруутгаж буй 125.1-т хүсэл зоригийнх нь эсрэг хүч хэрэглэж буюу хүч хэрэглэхээр заналхийлэх, бусдын биеэ хамгаалж чадахгүй байдлыг далимдуулан, түүнчлэн хохирогчийг тохуурхан доромжилж бэлгийн дур хүслээ ёс бусаар хангасан бол хоёроос таван жил хүртэл хугацаагаар хорих ял шийтгэнэ.
126.1-т хохирогчид хүч хэрэглэж буюу хүч хэрэглэхээр заналхийлэх, эсхүл бусдын биеэ хамгаалж чадахгүй байдлыг далимдуулан хурьцал үйлдсэн бол таван жил хүртэл хугацаагаар хорих ял шийтгэнэ.
126.2.4-т насанд хүрээгүй хүнийг хүчиндсэн бол таваас арван жилийн хорих ялаар шийтгэнэ гэж заасан байдаг.
Б.Чимэг