ЯПОН ХЭЛНИЙ СУРГАЛТ
    Япон хэлний сургалт нь Япон сангийн тусламж дэмжлэгтэйгээр 2012 оноос эхлэн Япон хэлний боловсролын стандартад тулгуурласан сургалтыг явуулж байна. Япон сангаас хэрэгжүүлж буй япон хэлний боловсролын стандарт нь “Харилцан ойлголцлын төлөөх япон хэл” гэсэн үзэл баримтлалд тулгуурлан, тухайн хэлийг ашиглан юуг хэрхэн хийж чаддаг вэ гэсэн хэрэглээний чадвар болон олон орны соёлтой танилцахын зэрэгцээ тухайн орны соёлыг ойлгон хүндэтгэх чадварыг эзэмшүүлэх шаардлагатай хэмээн үздэг.
Тус төв дээр явагдах япон хэлний сургалтууд нь энэ хоёр чадварыг хөгжүүлэхэд чиглэсэн сургалтын материал болон заах аргад тулгуурлан хичээлээ явуулах болно. Мөн Монгол дахь япон хэлний боловсролын байгууллагуудын гол цөм нь болж, Япон сангийн япон хэлний боловсролын стандартын үзэл баримтлал болон заах аргыг түгээн дэлгэрүүлэх, япон хэлний багш нарын хоорондын харилцаа холбоог дэмжихэд чиглэсэн үйл ажиллагааг явуулах болно.


  • “ЯПОН ХЭЛНИЙ РАДИО ХИЧЭЭЛ”-ИЙН ТОВЧ ТАНИЛЦУУЛГА
    • Морин хуур чадварлаг тоглодог 18 настай Монгол охин Оюунааг гол дүрээ болгосон, сонирхолтой түүхээр дамжуулан Япон хэлийг суралцах боломжтой. Оюунаагийн аав үнэндээ япон хүн бөгөөд 16 жилийн өмнө нас барсан гэх яриа байдаг. Гэвч Оюунаа монголд суралцдаг япон оюутан Жироотой танилцаж, аавыгаа сураглаж яваад гайхмаар үнэнийг олж мэднэ...

      2005-2006 онд Монголын үндэсний радиогоор нэвтрүүлсэн эхний хэсгийн сурах бичиг болон CD, 2010-2011 онд нэвтрүүлсэн үргэлжлэл хэсгийн сурах бичиг болон CD-г дараах дэлгүүрүүдээр худалдаалж байна. Зөвхөн энэхүү сурах бичиг болон CD-г ашиглаад япон хэлний анхан шатны мэдлэгтэй болох боломжтой.

      2015 оноос эхлэн өөрийн цахим хуудсан дээрээ сонсголын дасгалаа байршуулж, сурах бичиг худалдан авсан хүн бүр үнэгүй татаж авах боломжийг бүрдүүллээ.


      Радио хичээл худалдаалж буй газрууд:
      Монгол-Японы төвийн хүлээн авах
      ЖАЙКА-ийн Монгол дахь Төлөөлөгчийн газрын хүлээн авах

      Улаанбаатар хотын томоохон номын дэлгүүрүүд:
      •    “Интер” номын дэлгүүр
      •    “Аз хур” номын дэлгүүр
      •    “Мир” номын дэлгүүр
      •    “Алтан түлхүүр” номын дэлгүүр
      •    “Номин” их дэлгүүрийн номын дэлгүүр
      •    Билиг их дэлгүүрийн номын дэлгүүр
      •    Metromall их дэлгүүрийн номын дэлгүүр


      Сурах бичгийн үнэ:
      Эхний хэсгийн сурах бичиг          3000 төгрөг
      Үргэлжлэл хэсгийн сурах бичиг   6000 төгрөг
      1-р номны 1-р хичээл
      1-р номны 2-р хичээл
      1-р номны 3-р хичээл
      2-р номны 1-р хичээл
      2-р номны 2-р хичээл
      2-р номны 3-р хичээл
  • Япон хэлний анхан шатны бодит хэрэглээний сургалтын бүртгэл эхэллээ.